MRADI WA UMEME RUSUMO KUZINDULIWA FEBRUARI 2025




📌 *Dkt. Biteko asema umekamilika kwa asilimia 99.9*

📌 *Ataja kuongezeka kwa kiasi cha umeme katika Gridi ya Taifa*

📌 *Asema asilimia 52 ya umeme nchini inatumika kwa mahitaji ya wanachi*

📌 *Atoa wito kwa jamii kuhifadhi mazingira*



Imeelezwa kuwa mradi wa kufua umeme kwa nguvu za maji wa Rusumo unaotekelezwa kwa ushirikiano wa Nchi tatu za Tanzania, Rwanda na Burundi utazinduliwa Februari 2025.

Hayo yameelezwa leo Novemba 16, 2024 na Naibu Waziri Mkuu na Waziri wa Nishati, Mhe. Dkt. Doto Biteko wakati akizungumza na vyombo vya habari mara baada ya kikao cha Mawaziri wa Nchi hizo tatu wanaohusika na usimamizi wa mradi huo. Kikao kimefanyika eneo la Rusumo, wilayani Ngara Tanzania.

"Tulipata mapendekezo ya kuzindua mwezi wa 12 lakini muda huo mfupi kuweza kuwapata wakuu wa Nchi, tunapeleka maombi kwa wakuu wa Nchi uzinduzi uweze kufanyika mwakani mwezi wa pili."  Amesema Dkt. Biteko



Ameongeza kuwa, utekelezaji wa mradi wa Rusumo umefikia asilimia 99.9 na upo katika hatua za umaliziaji vitu vidogo vidogo.

"Kukamilika kwa mradi huu unaiwezesha kila Nchi kupata megawati 27 katika gridi yake ya Taifa." Amesema Dkt.Biteko

Dkt. Biteko amesema Nchi inahitaji umeme mwingi na mahitaji ya umeme kwa sasa ni megawati 1,800 huku uwezo wa kuzalisha umeme ukifikia megawati 3,070.

Amesema manufaa yaliyopatikana ukiacha  upatikanaji wa umeme  ni pamoja na ajira, 


miradi ya maendeleo katika Halmashauri ya Ngara pamoja na kuboreshwa kwa huduma za kijamii.

Ameongeza kuwa, mradi wa Rusumo utakuwa kichocheo kikubwa cha uchumi kwa kuiunganisha Tanzania na Nchi za Burundi na Rwanda katika biashara ya umeme.



Amesisitiza kuwa, uwepo wa vyanzo vingi vya kuzalisha umeme utasaidia kukuza uchumi wa Nchi na maendeleo ya mtu mmoja mmoja.

Kuhusu  matumizi ya umeme kwa siku nchini amesema  asilimia 52 ya umeme inatumiwa na wananchi na asilimia 48 inatumika kwa ajili ya viwanda.

Aidha, ametoa wito kwa jamii kuhifadhi mazingira ikiwa ni msisitizo pia uliotolewa  Mawaziri wa nchi hizo tatu kwa  kuwataka wasimamizi wa mradi kupanda miti maeneo ya mradi ili  uweze kudumu.






Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more