SAKATA LA MABOMU YA MBAGALA LAWAIBUA ACT WAZALENDO



Na Mwandishi wetu, HPMedia, Dar es Salaam 


Chama cha ACT Wazalendo kimeiomba Ofisi ya Waziri Mkuu Kassim Majaliwa kulifuatilia sakata la malipo ya waathirika wa mabomu ya Mbagala na kuchukua hatua za uwajibikaji kwa watendaji walioshughulikia suala hilo kwani kuna harufu za udanganyifu, ubaguzi na uonevu.

Wito huo umetolewa leo feb 1, 2023 jijini Dar es Salaam na Waziri Mkuu Kivuli wa Chama hicho, Dorothy Semu ambapo amesema watu takribani 1361 wanadai fidia zao tangu 2009 baada ya  kuripuka mabomu kwenye  ghala la silaha katika kambi ya Jeshi la Ulinzi la Wanachi Tanzania( JWTZ) namba 671 KJ iliyopo Mbagala Jijini Dar es salaam.

Amesema kuwa, mripuko huo umesababisha vifo, majeruhi, kuharibiwa kwa makazi na mali za watu pamoja na athari za kiafya ikiwemo magonjwa ya kifua kikuu, upofu wa macho na saratani, ambapo amebainisha kuwa wastani wa kaya 12000 ziliathiriwa na milipuko hiyo katika eneo la Mbagala pekee.

"Januari 28, 2023 nilitembelea Mbagala kufuatilia suala hili baada ya kupokea malalamiko kutoka kwa waathirika hao, nilifanikiwa kufuatilia  na kuchambua taarifa mbalimbali ikiwemo orodha ya waathirika, malipo, risiti za malipo, kiasi cha bajeti kilichotumika na ripoti ya Mdhibiti na Mkaguzi wa Hesabu za Serikali (CAG) na baadae kutembelea baadhi ya waathirika hao"amesema Waziri kivuli Dorothy.

Aidha, amesema malalamiko mengi ya wananchi yanathibitishwa na ripoti ya CAG mwaka 2012/13 ilionyesha malipo ya fidia kwa waathirika wa mabomu ya Mbagala kulipwa kiasi cha shilingi bilioni 8 hayakuwa na nyaraka muhimu za kuthibitisha kama kweli malipo hayo yalifanyika kwa walengwa.

Hata hivyo, amesema jambo linaloumiza zaidi ni kuona viongozi wa Serikali kutoliskiliza jambo hilo kwa umakini mkubwa kwa kuwalipa stahiki zao walengwa licha ya bunge kuidhinisha bajeti ya shill billion 17, huku ikidaiwa kuwa frdha hizo zimeshatoka kwa awamu takribani sita.

Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more