SERIKALI YAJA NA MPANGO MADHUBUTI KUTATUA CHANGAMOTO ZA WAWEKAZAJI SEKTA YA MADINI

 


Na Mwandishi wetu HPMedia, Dar 

Waziri wa Madini Dkt Doto Biteko amesema Serikali imerahisisha mazingira ya kikodi kwa wachimbaji wa madini ili kuondoa utiritimba wa kodi na changamoto mbalimbali zinazoweza kujitokeza katika kutimiza majukumu yao ili waweze kufanya kazi katika mazingira rafiki na bora zaidi.

Kauli hiyo ameitoa jijini  Dar es Salaam wakati akifungua kikao cha wadau wa madini  cha kujadili maendeleo, changamoto na kero na inazozikabili kampuni kubwa za kati zinazojishughulisha na uchimbaji wa madini katika migodi mbalimbali hapa nchini. 

Aidha amesema Serikali itahakikisha inaweka mipango thabiti ya kutatua  baadhi ya changamoto zilizopo kwenye Sekta ya Madini ikiwemo kuweka  miundombinu rafiki ili kusaidia wawekezaji wanaongeza tija uzalishaji wa madini nchini na Pato la Taifa kukua .

"Mara nyingi huwa tunakutana na wachimbaji wa madini wadogo kuskiliza kero zao lakini leo tupo na wachimbaji wakubwa tujadili kwa pamoja changamoto zao na tuzipatie ufumbuzi, huku tukijiandaa na mkutano mkuu wa kisekta wa mwaka utakaofanyika Oktoba mwaka huu"amesema Waziri Dkt Biteko.

Kwa upande wake, Mwenyekiti wa Chemba ya Migodi, Mhandisi Philibart Rweyemamu amesema kupitia chama anachokiongoza wamejipanga kushirikiana na Serikali ili kuondoa changamoto na kutoa na kupata suluhisho la kudumu  hatimaye kufikia lengo la kuchangia asilimia 10 kwenye Pato la Taifa ifikapo 2025 kama ilivyo azma ya Rais Dkt Samia Suluhu Hassan

"Kikao cha namna hii kitakuwa kinafanyika kila robo mwaka ili kutoa taarifa kwa Serikali juu ya maendeleo ya shughuli zetu, kuueleza umma nini kinachofanyika pamoja na kuishauri Serikali kitu gani tunafikiri kifanyike ili kurahisisha utendaji wa Sekta ya Madini," amesema Mhandisi Rweyemamu.


Naye, Waziri wa Madini Maji, Nishati na Madini kutoka Zanzibar, Staibu Hassan ameipongeza Wizara ya Madini kwa hatua kubwa kwani wizara hiyo imekuwa mwalimu wa mataifa mengi kujifunza usimamizi bora wa shughuli za biashara na uchimbaji madini.

Katika kikao hicho Kampuni tano za uchimbaji mkubwa wa madini zimetoa taarifa za utekelezaji wa miradi inayotekelezwa ikiwemo Kampuni ya Nyati Corporation, Sotta Mining, Tembo Nickel Corporation, Twiga Minerals na Faru Graphite Limited.



Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more