SEKTA YA KILIMO KUNUFAIKA NA MRADI WA KUTENGENEZA MBOLEA WA SHILL TRILL 3.2

Na mwandishi wetu, Habari Plus

Serikali ya Tanzania kupitia Wizara ya Uwekezaji imesema itaendelea kuboresha mazingira rafiki na wezesheji kwa wawekezaji ambapo katika kuendelea kuboresha Sekta ya kilimo Groundbreaking Venture Tanzania imesaini Mradi wa kutengeneza Mbolea wenye thamani ya Shilingi Trilioni 3.2.

Mkataba huo wa Makubaliano (MOU) ni kati ya ESSA Industries kutoka Indonesia na wadau wa Tanzania TIC, TFRA, na TPDC ukilenga kuleta Mapinduzi kwenye sekta ya Kilimo ambapo pamoja na mambo mengine umelenga kuzalisha ajira na kutatua changamo ya upatikanaji wa mbolea.

Hafla hiyo ya utiaji saini imeshuhudiwa na Waziri wa Mipango na Uwekezaji Prof. Kitila Mkumbo, ambapo amesema hatua hiyo ni muhimu katika kuongeza tija katika sekta ya kilimo hapa nchini.

Aidha amesema kuwa MOU hiyo ni hatua muhimu katika kuongeza uwezo wa Tanzania kwenye sekta ya kilimo, kuhakikisha usalama wa chakula, na kukuza uchumi.

Kwa upande wake Waziri wa Uwekezaji Prof Kitila Mkumbo amesema kuwa mradi huo ni muhimu sana kwa Tanzania kwani wanategemea mbolea asilimia 90 kutoka nje ya nchi na asilimia 10 ndio wanazozalisha wao hivyo mradi huo utasaidia sana katika uzalishaji.

"Mradi huu utatusogeza kwa miaka 3 hadi mitano ijayo, hakuna mapinduzi ya viwanda bila kilimo, tunahitaji mbegu bora, udongo mzuri, ambapo hatua hii inahitaji umwagiliaji, namna pekee ya kuondoa changamoto za ajira ni kuendeleza kwenye viwanda na kuongeza kasi kwenye uzalishaji"amesema Waziri Prof Kitila.

Naye,  Kamishna wa Sekta ya ESSA, Rahul Puri ameieleza kuwa thamani ya Mradi huo ni Dola 1.2 bilioni sawa na Shilingi trilioni 3.2 za kitanzania ambapo inatarajiwa kuzalishaji tani milioni 1 za mbolea kila mwaka.

Ameongeza kuwa mradi huo utaweza kuzalisha ajira 389,000 na Matumizi ya gesi futi za ujazo milioni 70 kwa siku (mmcfd).

Hata  hivyo amesema wanaotarajia mradi huo kufikia mwaka 2025 kukamilisha kandarasi ya gesi ili kuwezesha uzalishaji wa tani milioni 1 za urea kila mwaka na kufikia 2029 mradi unatarajiwa kufanya kazi kikamilifu.

Mradi huo ni matokeo ya moja kwa moja ya ziara ya Rais wa Jamhuri ya Muungano wa Tanzania Dkt.Samia Suluhu Hassan mwezi Januari nchini Indonesia, akisisitiza dhamira ya mataifa yote mawili kuimarisha uhusiano wao wa kibiashara na uwekezaji.

Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more