DART NA UDART ZATAKIWA KULETA WAWEKEZAJI WAZAWA MABASI YA MWENDOKASI




Na Mwandishi wetu,Dar

Waziri wa nchi ofisi ya Rais Tawala za mikoa na Serikali za Mitaa (TAMISEMI) Mohamed Mchengerwa (Mb) ameutaka wakala wa mabasi yaendayo haraka (Dart) na watoa huduma za usafirishaji abiria katika jiji la Dar es Salaam na Pwani (Udart) kukaa pamoja kuleta kampuni za watanzania kuwekeza katika miradi wa mwendokasi.



Kauli hiyo ameitoa jijini Dar es Salaam wakati alipokua akizundua mfumo wa kununulia tiketi kupitia kadi janja na mageti janja kwa akili ya mabasi yaendayo haraka ambapo amesema katika jijini hilo kuna uhaba wa mabasi yaendayo haraka 670 hivyo kutumia wawekezaji wazawa kutasaidia kuondoa kwa changamoto hiyo.

"Nikiri kusema tuna changamoto ya uhaba mabasi, naagiza hadi kufikia disemba mabasi 670 yawe yamefika, bado kuna miradi inaendelea ni vyema kuwaleta wawekezaji wazawa kuja kuwekeza kwani uwezo wanao ili kumaliza changamoto ya usafiri jijini Dar es Salaam, kuliko kukaa kuwasubiri wawekezaji kutoka nje ya nchi"amesema Waziri Mchengerwa.



Amesema kuwa, wazabuni wa kitanzania wanauwezo makubwa sana wa kutoa huduma za usafirishaji kwani kuna kampuni inamiliki mabasi ya kwenda mkoani zaidi ya 20, ambapo inahudumia mikoa yote, hivyo ni vyema kuwaleta wazawa kukabiliana na changamoto hii.

Aidha, amesema kutumika kwa kadi hizo ni kurahisisha usafiri pamoja na utekelezaji wa agizo la Rais wa Jamuhuri ya Muungano wa Tanzania Dkt Samia na Bunge la Jamuhuri ya Muungano wa Tanzania ambapo kadi hizo zitasaidia kuoakoa muda kwa abiria na kuondoa changamoto ya malalamiko ya watu kukaa muda mrefu kwenye jukata tiketi.



Kwa upande wake, Mtendaji Mkuu wa Dart Athuman Kihamia amesema kadi hizo ni za kisasa, zinaubora sana ambazo ni tofauti na zile zinazotumika uwanja wa Taifa, hivyo. wameanza kwa awamu ya kwanza lakini watazitumia kwa awamu zote sita kwani  zinavitu vingi.

Aidha, amesema kuwa kadi hizo ni za kukusanyia nauli ambapo wataachana na mfumo wa kutumia makaratasi kwani zinachafua mazingira, pamoja na mambo mengine kadi hizo ni nzuri sana ambazo ziondoa malalamiko ya abiria kuhusu kudai chenji zao.

"Pia mfumo unakwenda kuondoa foleni iliyokuepo Kwa abiria wakti wa kukata tiketi na itafanikisha abiria kuingia kwa haraka na abiria kuanza safari, ambapo mfumo huu utaendana sambamba na upatikanaji wa mabasi na tutapata mafanikio makubwa"

Naye, Mwenyekiti wa kamati ya Bunge amesema kuwa, uwepo kadi hizo kutaendana sambamba na kupunguza uhaba wa mabasi, huku amewapongeza Dart kwa kutekeleza agizo la Bunge juu ya kukusanyia nauli kwa njia kieletroniki.

Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more