WAKULIMA LINDI WATAKIWA KUFUATA USHAURI WA KITAALAM KWENYE KILIMO



Na Mwandishi wetu 

Mkuu wa Wilaya ya Kilwa, Mohamed Nyundo amewataka wananchi wa Wilaya hiyo kuachana na maneno ya kusikia kutoka kwa watu wanaowaaminisha kuwa mbolea inaharibu udongo badala yake wafuate ushauri unaotolewa na wataalam wa kilimo ikiwemo kutumia mbolea kwa usahihi kwenye shughuli zao za kilimo.

Ametoa wito huo mwishoni mwa wiki wakati wa hafla ya uzinduzi wa kampeni inayotekelezwa na Mamlaka ya Udhibiti wa Mbolea Tanzania (TFRA) ya Kilimo ni mbolea uliofanyika katika kijiji cha Mandawa wilayani Kilwa Mkoa wa Lindi yenye lengo la kuwaelimisha wakulima kuhusu matumizi sahihi ya mbolea na kuhamasisha usajili wa wakulima kwenye mfumo wa kidijitali wa mbolea za ruzuku.

"Wananchi tubadilike yapo maneno yanasema ukitumia mbolea unaharibu udongo, mbolea ingekuwa inaharibu udongo mikoa ya Nyanda za Juu Kusini wanaolisha nchi nzima nasisi tukiwepo wasingekuwa wanazalisha mpaka sasa"

Hayo maneno tunayoyaamini kutoka kwa watu wasiokuwa na utaalam, hawajaenda shule tuachane nayo, tunatumia nguvu kubwa ya kulima eneo kubwa wakati matumizi ya mbolea yangetufanya tulime eneo dogo kwa matokeo makubwa" Nyundo alisisitiza.

Alisema,  Sisi tunao maafisa kilimo kwenye ngazi ya Mkoa,  Wilaya, kata na vijiji na kueleza maafisa hao wanaujuzi unaofanana na kuwataka wakulima kuwatumia hao ili kushauriwa namna bora ya kulima mazao yao. 

Naye Mwenyekiti wa Halmashauri ya Kilwa, Farida Kikoleka amesema, huko nyuma suala la kilimo lilikuwa kama adhabu ila kwa sasa wananchi wamebadilika na wanajua kuwa kilimo ni chakula lakini pia wanajua kilimo ni biashara.

Amesema, kufuatia mwitikio mkubwa wa wananchi waliohudhuria  hafla hiyo kuwa mabalozi wa kufikisha ujumbe na elimu ya mbolea waliyoipata  kwa wakulima waliokosa fursa hiyo.

Kwa upande wake, Katibu wa CCM wa Wilaya ya Kilwa, Mbaruku Masudi ameipongeza TFRA kwa kuja na wazo na kuamua  kushuka hadi  ngazi ya wakulima ili kuwapa elimu muhimu ya mbolea. 

Ameiomba Mamlaka kuwa na nia ya kuwafikia wakulima wa kata nyingine ambao hawakufanikiwa kushiriki hafla hiyo ya uzinduzi. 

Kwa upande wake Mwakilishi wa Mkurugenzi wa TFRA, Robert Mtendamema ametoa shukrani kwa uongozi wa Mkoa na wilaya kwa kushirikiana kikamilifu katika kuhamasisha matumizi sahihi ya mbolea kupitia kampeni hiyo.

Amesema Serikali kupitia Wizara ya kilimo imekusudia Sekta ya kilimo kukua kwa asilimia kumi ifikapo mwaka 2030 na kueleza matumizi sahihi ya mbolea yatachangoza kufikiwa kwa lengo hilo kwani wakulima watazalisha kwa tija na kuongeza vipato vyao na taifa kwa ujumla.

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more