KAPINGA ATOA MAAGIZO TANESCO





Naibu Waziri wa Nishati, Mhe Judith Kapinga kwa niaba ya Naibu Waziri Mkuu na Waziri wa Nishati, Mhe. Dkt. Doto Biteko  amemuagiza Mkurugenzi Mtendaji TANESCO,  Mhandisi Gissima Nyamo-Hanga kufanya mapitio ya maeneo ya Vijiji ambayo yanalipishwa bei ya mjini kuunganisha umeme ili yaweze kulipa bei stahiki ya Vijiji ambayo ni shilingi 27,000.

Mhe. Kapinga ameyasema hayo leo Novemba 05, 2024 bungeni jijini Dodoma  wakati akijibu swali la la Mbunge wa Bukoba Vijijini, Mhe. Samsung Rweikiza aliyetaka kufahamu Serikali inachukua hatua gani kwa wananchi wa Vijijini wanaolipia gharama ya kuunganisha umeme zaidi ya 27,000.

"Kwenye baadhi ya maeneo ambayo ni Vijiji na yamekuwa yakitozwa gharama ya shilingi 321,000, , namuagiza Mkurugenzi Mtendaji TANESCO kufanya mapitio ya maeneo haya", Amesisitiza Mhe. Kapinga

Aidha, kuhusu Serikali kupeleka umeme Vitongoji visivyokuwa na umeme Bukoba Vijijini, Mhe. Kapinga amesema Serikali inaendelea kuunganisha vitongoji ambavyo havina umeme ambapo vitongoji 258 kati 515 vya Jimbo la Bukoba Vijijjini vimefikishiwa umeme.

Aidha, kazi ya kupeleka umeme katika vitongoji 27 ambavyo havina umeme katika Jimbo la Bukoba Vijijini inaendelea kupitia miradi ya ujazilizi 2B na Mradi wa Kupeleka umeme katika Vitongoji Awamu ya Pili A (HEP IIA).  

Akijibu swali Mbunge wa Viti Maalum Mkoa wa Kilimanjaro, Mhe. Kunti Msangi aliyetaka kufahamu Serikali inafanya jitihada gani kuondoa tatizo la umeme mdogo maeneo ya Kigamboni, Mhe. Kapinga amesema  Serikali inaendelea na maboresho ya kItuo cha kupokea na kupoza umeme cha Mbagala kwa ufungaji wa transfoma yenye ukubwa wa MVA 120 ili kuimarisha upatikanaji wa umeme maeneo ya Kigamboni, Mbagala pamoja na ukanda wa Pwani.

"Transfoma imeshafika na Mkandarasi yupo site anaendelea na kazi, nimhakikishie Mheshimiwa Mbunge Serikali ya Awamu ya Sita inafanya kila jitihada kuhakikisha wananchi wanaendelea kupata umeme wa uhakika" Amesema Mhe. Kapinga

Akijibu swali la Mbunge wa Nanyumbu, Mhe. Ally Mhata aliyetaka kufahamu ni lini Serikali italipa fidia kwa Wananchi wa Wilaya ya Nanyumbu ili kupisha ujenzi wa njia ya umeme ya Grid ya Taifa., Mhe. Kapinga amesema katika Wilaya ya Nanyumbu, Wananchi 689 wanapisha ujenzi wa Njia ya Kusafirisha Umeme Msongo wa Kilovoti 220 kutoka Tunduru hadi Masasi. 

Ameongeza kuwa taratibu za kuwalipa fidia wananchi waliopisha mradi zinaendelea ambapo jumla ya Shillingi billioni 1.95 zinatarajiwa kulipwa kwa wananchi hao. 

Amesema kwa sasa Serikali inaendelea na taratibu za upatikanaji wa fedha kwa ajili ya kulipa fidia wananchi hao wa Nanyumbu ambapo na kuongeza kuwa fedha zitakapopatikana wananchi watalipwa stahiki hizo kwa wakati.

Akiongelea kuhusu upelekaji wa umeme kwenye Vitongoji Mhe. Kapinga amesema maendeleo ni hatua na Serikali inaendelea kutelekeza miradi ya kupeleka umeme kwenye Vitongoji Nchi nzima.

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more