DKT ABAS AHAMASISHA WATANZANIA KUTEMBELEA TABORA ZOO

 




Dkt. Hassan Abbasi Ahamasisha Watanzania Kutembelea Tabora ZOO,

Aahidi Maboresho Makubwa Zaidi ya Miundombinu.

Na Mwandishi wetu, Tabora 

Katibu Mkuu wa Wizara ya Maliasili na Utalii, Dkt. Hassan Abbasi, Juni 23, 2025 alifanya ziara katika bustani ya wanyamapori ya Tabora, maarufu kama Tabora ZOO, kwa lengo la kukagua na kuona usimamizi wa bustani hiyo ambapo alitumia fursa hiyo kuwahamasisha Watanzania hususani wa ukanda wa magharibi, wakazi wa Mkoa wa Tabora na Mikoa ya jirani kutembelea kivutio hicho cha kipekee ambacho kipo Katikati ya Mkoa wa Tabora.

Katika ziara hiyo, Dkt. Abbasi ameonesha kuridhishwa na uwepo wa bustani hiyo ambayo ni hazina ya vivutio vya wanyamapori na mazingira asilia. Ameeleza kuwa Tabora ZOO ni sehemu muhimu ya utalii wa ndani ambayo Serikali imejipanga kuhakikisha inafanya maboresho makubwa ya miundombinu ili kuvutia watalii wengi zaidi.

"Hii ni Hifadhi ya kipekee, kuwa na eneo la heka zaidi ya 27 Katikati ya Manispaa ya Tabora au mji ni jambo kubwa, kwahiyo niwaombe wakazi wa Tabora, hii ni Johari yenu, ni bustani iliyowekwa Kwa ajili yenu mje kupumzika, kujifunza lakini si tu wakazi wa Tabora bali pia wanafunzi wa vyuo mbalimbali na watu wa ukanda huu tunawakaribisha sana," alisema Dkt. Abbasi.

Aidha, Katibu Mkuu huyo ameahidi kuwa Serikali itaendelea kuboresha bustani hiyo kwa kuongeza miundombinu  ikiwemo sehemu za watalii  kupumzika na burudani kama michezo ya watoto,  maeneo ya chakula, vinywaji pamoja na kuongeza Idadi ya wanyamapori  na mabwawa ya maji  ili kuongeza mvuto zaidi kwa watalii.

Katika ziara hiyo Dkt. Abbasi aliweza kujionea huduma mbalimbali zinazotolewa na Mamlaka ya Usimamizi wa Wanyamapori Tanzania - TAWA kupitia bustani hiyo ya wanyamapori na maendelezo yaliyofanyika ikiwemo ujenzi wa kituo cha maelezo Kwa wageni (VIC,), mabanda ya wanyamapori, ongezeko la wanyamapori wakiwemo simba, chui, duma, fisi na wengine wa aina mbalimbali.

Tabora ZOO ambayo ni mojawapo ya bustani chache za wanyamapori  nchini zilizopo katika maeneo ya miji imeendelea kuwa  kivutio cha kipekee Kwa watalii kutokana na  mandhari nzuri na mazingira tulivu ambavyo vinaiweka bustani hii katika nafasi ya juu Kwa utalii wa mijini (Urban Wildlife Tourism).

Comments

Post a Comment

Popular posts from this blog

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zin...
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more

MAANDALIZI YA MKUTANO MKUU CCM YASHIKA KASI

Image
Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi, ameongoza Sekretarieti ya Halmashauri Kuu ya CCM (NEC) Taifa kutembelea Ukumbi wa Mikutano wa Jakaya Kikwete jijini Dodoma ili kukagua maendeleo ya maandalizi ya Mkutano Mkuu Maalum wa CCM unaotarajiwa kufanyika tarehe 18 na 19 Januari 2025. Ukumbi huo, wenye uwezo wa kuchukua takriban watu 3,000, unakarabatiwa kwa kiwango cha juu ili kuhakikisha mazingira bora kwa mkutano huo muhimu. Mkutano huu utakuwa na agenda kadhaa, ikiwemo kumchagua Makamu Mwenyekiti wa CCM (Bara), kufuatia kujiuzulu kwa Komredi Abdulrahman Kinana mwaka jana. Balozi Nchimbi, akiwa ameambatana na Manaibu Katibu Mkuu wa CCM, John Mongella (Bara) na Dkt. Mohamed Said Dimwa (Zanzibar), pamoja na wajumbe wa Sekretarieti, alishuhudia kasi kubwa ya maandalizi hayo, huku akiwapongeza wahusika kwa jitihada zinazofanywa kuhakikisha kila kitu kinakuwa tayari kwa wakati. Kwa mujibu wa Katibu wa NEC - Itikadi, Uenezi na Mafunzo, CPA Amos Makalla, ma...
Read more