REMBO AKABIDHI PIKIPIKI NA TOFALI 1000 IRINGA

 

Na Mwandishi wetu, HPMedia, Iringa

Mjumbe wa Baraza Kuu la Umoja wa Wanawake wa CCM (UWT) Mkoa wa Iringa Injinia Fatma Rembo ambaye pia ni njumbe wa kamati ya utekelezaji wa UWT Taifa, leo amekabidhi pikipiki nne kwenye wilaya za mkoa wa Iringa ili kusukuma maendeleo.

Hatu hiyo imekuja mara baada ya kufanya ziara katika wilaya za mkoa wa Iringa ambapo pamoja na mambo mengine pia amekabidhi Shilingi 1,000,000 kwa wilaya nne  kwa ajili ya kusaidia ujenzi wa nyumba za makatibu wa jumuiya hiyo.

Akizungumza na wanachama wa UWT Mkoani humo, wakati wa kukabidhi pikipiki pamoja na fedha kwa ajili ya matofali amesema umoja na mshikamano katika chama chao ndio njia pekee ya kuhakikisha kila mmoja anawajibika kwa nafasi yake katika kumsaidia Rais wa JMT Dkt Samia Suluhu Hassan. 

"Baada ya ziara yangu katika wilaya zote mkoani Iringa  niliahidi kukabidhi pikipiki na fedha kwa ajili ya matofali na leo nimetimiza , hivyo naomba tuendelee kumuunga mkono Rais wetu lwa kumsemea mazuri, pikipiki hizi naomba ikawe chachu ya kusaidia kuzitatua changamoto za kiuchumi" amesema Rembo.

Aidha, amezitaja Wilaya zilizopewa pikipiki hizo ni pamoja na Mufindi, Kilolo, Iringa Mjini na Iringa Vijijini, huku akiwataka wazitunze ili ziendelee kusaidia kazi mbalimbali za uchumi.

Awali akipokea pikipiki hizo Mwenyekiti wa CCM Mkoa wa Iringa, Comred  Daud Yasin Mlowe, amempongeza Injinia Rembo kwa kutoa pikipiki hizo pamoja na fedha huku akisisitiza kila kiongozi kutekeleza wajibu wake ili wananchi waweze kupata maendeleo ya haraka.

"Tuendelee kumuunga mkono Mwenyekiti wa CCM Taifa, Rais Dkt Samia Suluhu Hassan kwa kufanya kazi kwa bidii, tuendelee kumsemea na kutangaza mazuri anayoyafanya ikiwemo kusimamia miradi ya maendeleo pamoja na kuvutia wawekezaji" amesema Comred Yassin.

Naye, Mjumbe wa Halmashauri Kuu ya CCM Taifa (MNEC) Comred Salim Asas Abri  alisisitiza upendo, huku akiwataka wanawake kuwa mstari wa mbele kumtetea Rais wa JMT Dkt Samia Suluhu Hassan kwa kazi kubwa anayoifanya kwa kuitangaza nchini ya Tanzania katika mataifa mbalimbali .

"Kina mama naomba mupendane, mkiyumba nyie chama kimeyumba pia, mkiona mwenzio amefanya jema mpongeze, pia muwe mstari wa mbele kumtetea mwanamama mwenzenu Rais Dkt Samia Suluhu Hassan"amesema Asas.

Mwenyekiti wa UWT Mkoa wa Iringa, Comred  Zainab Mwamwindi amempongeza Injinia Rembo kwa jambo kubwa alilolifanya katika chama na jamii kiujumla huku akiwataka na viongozi wengine kuiga mfano wake katika kusaidia harakati za kimaendeleo.




Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more