SERIKALI MBIONI KUZIFUTA KAMPUNI ZILIZOPITWA NA WAKATI

TIPER YATOA GAWIO LA BILL 2.5


Na fatma Ally, HPMedia, Dar 

Serikali inajipanga kuyafuta baadhi ya makampuni ambayo yamepitwa na wakati na kuyaunganisha ambayo yanafanyakazi zinazoshabihiana katika utoaji wa huduma kwa wateja baada ya kufanyika kwa uchambuzi wa kina ambao ritopi yake itakamilka mwezi ujao.

Kauli hiyo imetolewa jijini Dar es Salaam na Msaliji wa Hazina Nehemia Mchechu wakati alipokuwa katika hafla ya makabidhiano ya gawio la shill bill 2.5 kutoka kampuni ya Uhifadhi wa Mafuta Tanzania International Petroleum Reserves (TIPER) ambapo amesema lengo la Serikali la kuyaunganisha makampuni hayo ni kuleta tija zaidi.

Aidha amesema kuwa, fedha hizo zilizotolewa na kampuni hiyo zitakwenda kusaidia katika miradi mbalimbali ya maendeleo nchini, huku akifafanua kuwa, uchambuzi huo umeshafanyika kwa awamu ya kwanza na unaoendelea sasa hivi ni awamu ya mwisho ambao utakuja na majibu ambayo yatatangazwa baada ripoti ya uchambuzi huo kukamilika.

Aidha, amesema lengo la uwekezaji ni kuona makampuni yakiongezeka katika mchango wa taifa na sio ya kikodi bali kama ilivyofanya kampuni ya Tiper kutoa gawio huku ikiwa imeshatoa kodi zote za Serikali. 

"Kuna timu inaendelea kufanya uchambuzi zaidi na mwezi wa nane ripoti itapelekwa na hapo ndipo itatangazwa ni makampuni gani itaunganishwa au kufutwa kwani kuna baadhi ya kampuni zimekua zikifanya vibaya kutokana na viongozi wake, hivyo wapewe muda wa kuangalia "amesema Mchechu.

Kwa upande wake, Mkurugenzi wa Kampuni ya Uhifadhi Mafuta Tiper Mohamed Seif Mohamed amesema  wamejipanga kuwekeza zaidi sio tu kwenye uhifadhi wa mafuta bali pia kwenye miundombinu ikiwemo sekta ya usafirishaji, kilimo, bomba pamoja pampu za kusukumia mafuta.

Aidha, amesema kuwa,sekta ya mafuta ni sekta muhimu na nyeti katika nchi yoyote ile duniani na ina mchango mkubwa katika ukuaji wa uchumi na pia kwani ni tegemeo kubwa kwa kila mahali ikiwemo mifumo ya umeme, teknolojia pamoja na rasilimali watu.

Aidha, amesema uwekezaji wao umekua ukifanyika kwa miaka 10 iliyopita na wamekua wakindelea kwani ni jambo endelevu na kufanya hivyo, awamu kwa awamu, hivyo wanawahakikishiawateja wao wapo vizuri katika suala la uhifadhi na utunzaji wa mafuta, ambapo mpaka sasa kuna mafuta ambayo yameshalipiwa na mengine yanasubiri kulipiwa ili yatolewe.



Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more