WAZIRI PROF MKENDA AITAKA BODI YA MAKTABA KUEKEZA UNUNUZI WA VITABU.

 

Na Mwandishi wetu,  HPMedia, Dar 

Waziri wa Elimu Sayansi na Teknolojia Prof Adolf Mkenda ameitaka bodi ya Maktaba kuwekeza zaidi kwenye ununuzi wa vitabu kuliko ujenzi wa majengo ya Maktaba kwani wanaweza kushirikiana na mashule kuanzisha maktaba za jumuiya.

Kauli hiyo ameitoa Jijini Dar es Salaam wakati alipokuwa akitembelea ukarabati wa bodi ya huduma za maktaba ambapo amesema ni vyema kuwekeza katika ununuzi wa vitabu kuliko kujenga kwani kunachukua gharama sana.

Aidha, amesema kuwa kuna changamoto kubwa ya uandishi na usomaji wa vitabu kutokana na wanaochapisha vitabu kukosa soko ambapo baadhi ya waandishi kutumia pesa zao kugharamia na wengine huacha kabisa.


 "Zamani wakati ninasoma Maktaba zilikuwa nyingi kutokana na kuwekwa kwenye maeneo mbalimbali ikiwemo kanisani, misikitini na majengo ya Serikali hivyo niishauri bodi kutafuta maeneo ambayo wataweka vitabu ili kizazi cha sasa kuweze kusoma kwani kusubiri ujenzi wa Maktaba itachukua mda na kizazi cha sasa kitakosa kusoma" amesema Prof Mkenda.

Hata hivyo amesema katika kupunguza changamoto ya ukosefu wa sehemu za kuuza vitabu vinavyochapishwa wameanzisha tuzo za uandishi ya Mwalimu Nyerere ambapo mshindi vitabu vyake Serikali itanunu na kusambaza kwenye maktaba na shuleni.

Kwa upande wake, Mkurugenzi Mkuu wa Bodi ya Huduma za Maktaba Tanzania Dkt. Mboni Ruzegea amesema lengo kuu la maktaba ni kutoa fursa kwa umma kujipatia maarifa endelevu kwa watu wote kupitia usomaji wa machapisho mbalimbali.

Hata hivyo, amesema kuwa maktaba ni chombo muhimu na moyo katika taifa hususani kukusanya na kuhifadhi nyaraka kuwapatia walengwa kwa manufaa ya sasa na vizazi vijavyo ambapo Mwal Nyerere alisema vitabu njia nzuri katika kujiendeleza na kujitegemea.

Aidha, ameiomba Serikali kuisaidia  taasisi hiyo kwa kuiongezea gari kwa ajili ya kusafirisha vitabu ambavyo vimekuwa vikigharimu gharama kubwa wakituma kupitia shirika la posta pamoja na gari kwa ajili ya huduma za chuo.

Aidha, amesema maktaba inakabiliwa na changamoto ya upungufu wa fedha, Changamoto katika chuo na maktaba ambazo zipo mikoani zinazohitaji ukarabati, uhaba wa vitendea kazi na vitabu vya kiada.




Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more