MGOGORO WA MIPAKA PORI LA AKIBA LIPARAMBA WATATULIWA, WANANCHI WAISHUKURU SERIKALI


Na Beatus Maganja 

Jitahidi za Serikali za kutatua migogoro ya matumizi ya ardhi baina ya Hifadhi na wananchi zinaendelea kuzaa matunda baada ya kutatua mgogoro uliodumu zaidi ya miaka 20 baina ya Pori la Akiba Liparamba lililopo Mkoani Ruvuma na vijiji vitano vinavyozunguka hifadhi hiyo.

Hayo yamebainika Mei 28, 2024 katika ziara ya kuelezea namna TAWA ilivyotekeleza kikamilifu maagizo ya Serikali na mapendekezo ya Baraza La Mawaziri la Kisekta (BLM) kuhusiana na utatuzi wa mgogoro huo.

Akizungumzia mgogoro huo,  Kamanda wa Hifadhi hiyo Annzikar Joseph Lyimo amesema Pori la Akiba Liparamba lilikuwa na mgogoro wa mipaka kati yake na vijiji vinavyolizunguka ambavyo ni Ndondo, Mseto, Mipotopoto, Liparamba na Mitomoni. Mgogoro unaotajwa kudumu zaidi ya miaka 20 lakini ulitatuliwa Mwaka 2023 ikiwa ni matokeo ya  ziara ya Mawaziri wa Wizara nane wa kisekta ya kutembelea maeneo yenye migogoro ya matumizi ya Ardhi likiwemo Pori hilo ambapo walitoa maelekezo ya kupitia upya kwa mipaka na hatimaye maelekezo hayo kutekelezwa kwa ufanisi mkubwa.

Aidha amesema zoezi la utatuzi wa mgogoro husika lilikuwa shirikishi kwa kufanya vikao mbalimbali vilivyohusisha  Kamati ya Ulinzi na Usalama ya  Wilaya ya Nyasa  pamoja na  wananchi ambapo  wananchi wa vijiji husika waliteuliwa katika zoezi zima la uwekaji vigingi  na kufanikiwa kujenga jumla ya vigingi 140 kuzunguka hifadhi hiyo.

Akizungumzia hatua hiyo, mkazi wa Kijiji cha Liparamba Bw. Eligius Simon Mbawala ambaye pia alikuwa fundi wa kujenga vigingi aliyeteuliwa na wananchi wenzake kushirikiana na wahifadhi katika zoezi zima la kuweka vigingi katika hifadhi ya Liparamba ameeleza namna zoezi hilo lilivyokuwa shirikishi.

"Tumemaliza mgogoro huu mimi nikiwa fundi nimezunguka Pori zima la Liparamba ukianzia mpaka wa mitomoni hadi ndondo yote nimepita kuzunguka na kujenga hizo "beacon" (vigingi),..mpaka tulipo hapa leo tunafurahi, na tunaishukuru Serikali ya Jamhuri ya Muungano wa Tanzania chini ya Mama Samia kwa kumaliza huu mgogoro vizuri na watu sasa wanaendelea kufurahi na kunufaika na maeneo haya kwa kazi zao za kiuchumi na maendeleo ya kijamii kwa ujumla " amesema

Kwa upande wake Afisa Habari  wa TAWA Beatus Maganja amesema pamoja na maelekezo mengine,  Serikali ilitoa maagizo kwa Mamlaka zote zinazohusiana na Hifadhi nchini kushirikisha wananchi katika maeneo yote ili kuwe na mapitio ya pamoja ya mipaka ili kila mwananchi ajue mpaka uko wapi, na pia kuweka vigingi kama alama inayoonesha pande zote mbili.

Amesema TAWA imetekeleza kikamilifu maagizo hayo na mapendekezo yote ya BLM na kuwasihi wananchi kuheshimu mipaka ya hifadhi hiyo huku akisisitiza mashirikiano ya pande zote mbili katika kulinda rasilimali zilizopo ndani ya hifadhi hiyo

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more