SGR KUANZA SAFARI RASMI KESHO

 

Na Mwandishi wetu,HabariPlus

Shirika la Reli Tanzania (TRC) limezindua rasmi kampeni ya kuanza safari kwa treni ya kisasa ya SGR yenye kiwango cha kimataifa   June 14, 2024 kutoka Dar es Salaam kwenda Morogoro kwa bei ya sh 13000.

Akizungumza na waandishi wa habari jijini Dar es Salaam wakati wa uzinduzi wa kampeni hiyo Mkurugenzi Mkuu wa shirika hilo Massanja Kadogosa amesema kuwa uzinduzi rasmi utafanyika Juni 25 mwaka huu ambapo utazinduliwa na Rais Dkt Samia Suluh Hassan.

Amesema kuwa, uwepo wa treni hiyo utarahisisha usafiri kwa wananchi kwa gharama nafuu zaidi na usalama wa hali juu ambapo abiria watakapokuwa kwenye treni hiyo watafurahia huduma bora zitakazotolewa na wahumu .

Aidha, amesema ujio wa reli ya kisasa SGR haijaja kuchukua nafasi ya basi, reli ndege wala treni ya zamani bali ni mabadiliko ya kiuchumi na maendeleo ya taifa.

Hata hivyo, amesema wameshirikiana na Tanzania Commercial Benk (TCB) katika suala zima la ukatishaji wa tiketi ambapo wateja watatumia benki hiyo kufanya malipo ya tiketi, na wengine watafika kwenye madirisha ya ofisi hizo kukata titeki.

Aidha, amewataka wananchi kuilinda na kuitunza miundombinu hiyo, huku akiahidi hatua kali za kisheria zitachukuliwa kwa watu wote watakao haribu miundombinu hiyo.

"Hizi ni kodi za wananchi hivyo wanatakiwa waitunze, wasiharibu moundombinu tutafunga kamera za usalamana tutaweza walinzi kila sehemu ili kuangalia na tutakua na chumba maalum cha kuangalia taarifa zote inapokua njiani"amesema Kadogosa.

Kwa upande wake, Mkurugenzi wa Tanzania Commercial Benki TCB, Adam Mihayo amesema kuwa uzinduzi huo ni mabadiliko makubwa katika mapinduzi ya kiuchumi nchini Tanzania .

Aidha amesema kuwa wanafuraha kubwa kuwa sehemu ya ushirikiano huo ambao unaakisi matarajio makubwa ya wananchi katika kutekeleza reli ya kiwango cha kimataifa .

"Tumeingia makubaliano ya kutoa huduma ya malipo kwa wateja katika ukataji wa tiketi kwa njia ya mtandao ambapo malipo hayo yatakwenda kusaidia katika mashirikiano yao "amesema Mihayo.

Naye, Afisa Biashara kutoka TRC amesema kuwa abiria watakaosafiri katika reli hiyo hawatoruhusiwa kubeba vyakula wala mizigo mikubwa ambapo kwa daraja la kawaida watabeba mzigo wa kilo 20 bure.

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more