SERIKALI YAJIPANGA KUTOKOMEZA MAGONJWA YASIYOPEWA KIPAUMBELE

 

Na Mwandishi wetu Dar 

Serikali ya Jamuhuri ya Muungano wa Tanzania imedhamiria ifikapo 2030 kutokomeza maambukizi ya magonjwa yasiyopewa kipaumbele kwenye halmashauri zote nchini humo ili kuwakinga wananchi wake na magonjwa hayo.

Akizungumza na waandishi wa habari jijini Dar es Salaam, Waziri wa Afya Jenister Mhagama amesema wanatarajia hadi kufikia mwaka 2027 wawe wamevuka asilimia 95 kuelekea kutokomeza magonjwa hayo pamoja na kufanya vizuri licha ya kuwepo changamoto mbalimbali ikiwemo fedha.

Amesema kuwa katika kukabiliana na changamoto ya kupambana na magonjwa yasiyopewa kipaumbele, Serikali ya uingereza imekuwa ikiisaidia wizara ya Afya, ambapo leo wamekutana na mkamwana wa mwana mfalme wa Uingereza ili kujadili magonjwa yasiyopewa kipaumbele ikiwemo mabusha, matende na vikope (Trachoma)

"Leo tumekutana na huyu mke wa mtoto wa mfalme ili kuonyesha maeneo ambayo tumefanya vizuri, kwani Shirika la Afya duniani linataka ifikapo mwaka  2030 tuwe tumeshapambana na magonjwa haya yameondoka katika nchi zetu,”amesema Mhagama.

Amesema Serikali ya Uingereza imesaidia  katika sekta ya afya kuanzia  mwaka 1998 ambapo walitoa kiasisi cha zaidi ya Sh11.8 bilioni ambazo zimesaidia kusomesha wataalamu,tufanya upasuaji na kwenye magonjwa ya Kikope ambayo yanaweza kusababisha upofu.

Ameongeza kuwa, fedha hizo zimesaidia kununu vifaa tiba vinavyohusiana na macho  ambavyo vimepelekwa katika hospitali ya taifa ya Muhimbili,KCMC  na Mvumi kama kituo cha sayansi tiba.

“Yapo magonjwa mengine ambayo tumekuwa tukifanya nao kazi kama  matende, mabusha,minyoo na tumefanya kampeni ambazo zinatusaidia kuthibiti magonjwa hayo ikiwemo kufanya usafi,kunawa uso na kunawa mikono,”amesema na kuongeza .

Kwa upande wake, Meneja Mpango wa Taifa wa Kuthibiti magonjwa yaliyokuwa hayapewi kipaumbeke ,Dk Clara Mwasusu, amesema mwaka 2012 Serikali ilianza kutokomeza ugonjwa wa Kikope kwenye halmashauri 69 ambapo  wananchi wanaoishi kwenye maeneo ambayo hatarishi wamekuwa wakiwezeshwa dawa.

Dk Mwasusu amesema mwaka huu wameweza kutokomeza ugonjwa huo kwenye halmashauri 60 kati ya hizo tisa bado wanaugua ambapo matarajio yao ifikapo mwaka 2017 wanatarajia kutokomeza ugonjwa huo.

“Watu 167 waliathirika na ugonjwa wa Kikope na tuliwafanyia upasuaji  ili kuwakinga na upofu wa kudumu na hivi sasa tumebakiwa na wananchi zaidi ya 10 milioni ambao wapo kwenye halmashauri 20  kati ya hizo 16 wanaendelea kupatiwa huduma,”amesema

Amezungumzia ugonjwa wa Kichocho bado ni tatizo kwa sababu hawajaweza kuudhibiti kwa vile ipasavyo wanatarajia Serikali na mahusiano mazuri ya nchi ya Uingereza watafikia malengo ya kutokomeza ugonjwa huo.

Dk Mwasusu amesema wanatarajia kuanza  utekelezaji wa huduma ya bima kwa wote wananchi wa hali ya chini wataweza kupata hiozo huduma kwa kuwa gharama yake ni kubwa wanatakiwa kulipia kuanzia Sh250,000 hadi Sh 300,000



Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more