STEVE NYERERE - "NYUMBA ZA IBADA MUSIGEUZE GENGE LA SIASA"

 


Na Mwandishi wetu 

Mwenyekiti wa Taasisi ya Mama Ongea na Mwanao Steve Mengele (Steve Nyerere) amewataka viongozi wa nyumba za Ibada kurudi katika mstari wa kuhubiri amani na kuliombea taifa kwa maslahi mapana ya nchi .

Aidha, amesema nyumba za Ibada kwa sasa zimekua genge la kuhubiri siasa badala ya kumuomba Mungu ili watu wapate kupona kutokana shida zao.

Akizungumza na waandishi wa habari jijini Dar es Salaam mapema leo katika Ofisi ya Taasisi hiyo amesema kuwa, nyumba  za Ibada zimekua zikitumia muda mwingi kutumia kuhubiri siasa badala ya kuhubiri amani kama ambayo tumezoea.

Amesema kuwa, ameamua kuzungumza hayo baada ya kuona viongozi wengi wa kiroho wamekua wakigeuza nyumba za Ibada kama genge la kuhubiri siasa jambo ambalo si jema kwa taifa la Tanzania.

Ameongeza kuwa, wanasiasa ni vyema kuhubiri siasa huko kwenye mikutano yao ya hadhara ili viongozi wa kiroho waendelee kutuvusha katika dhambi tulizonazo zipungue na waiombee Serikali na viongozi wetu wawe na maadili mema .

"Viongozi wa Kiroho warudi kama zamani kwani nyumba za Ibada ndio sehemu ya kupata amani ya moyo, tuna matatizo mengi ambayo yanahitaji kuombewa ili tupone, lakini ukiingia nyumba za Ibada sasa hivi kuswali dakika 5 mahubiri ya siasa dakika 70, hii sio sawa kabisa wanapotupeleka sio kila jambo na wakati wake"

Ameongeza "Tunalinda taifa letu kwa maslahi yetu wenyewe, tusikubali watu wachache watuharibie amani yetu, zamani kulikua na utaratibu wa kuombea viongozi wetu, wanafunzi, nchi yetu lakini sasa hivi huo utaratibu huo haupo tena, muda wote ni kuhubiri siasa".

Katika hatua nyengine ameipongeza timu ya Simba Sport Club kwa kuingia Fainal ya mashindano ya Afrika, huku akiwataka viongozi wa clab ya Simba na Yanga kutoruhusu watu wachache wasioitakia mema nchi ya Tanzania kuivuruga amani na kupoteza Ajira za vijana.

Comments

Post a Comment

Popular posts from this blog

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zin...
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more

MAANDALIZI YA MKUTANO MKUU CCM YASHIKA KASI

Image
Katibu Mkuu wa Chama Cha Mapinduzi (CCM), Balozi Dkt. Emmanuel John Nchimbi, ameongoza Sekretarieti ya Halmashauri Kuu ya CCM (NEC) Taifa kutembelea Ukumbi wa Mikutano wa Jakaya Kikwete jijini Dodoma ili kukagua maendeleo ya maandalizi ya Mkutano Mkuu Maalum wa CCM unaotarajiwa kufanyika tarehe 18 na 19 Januari 2025. Ukumbi huo, wenye uwezo wa kuchukua takriban watu 3,000, unakarabatiwa kwa kiwango cha juu ili kuhakikisha mazingira bora kwa mkutano huo muhimu. Mkutano huu utakuwa na agenda kadhaa, ikiwemo kumchagua Makamu Mwenyekiti wa CCM (Bara), kufuatia kujiuzulu kwa Komredi Abdulrahman Kinana mwaka jana. Balozi Nchimbi, akiwa ameambatana na Manaibu Katibu Mkuu wa CCM, John Mongella (Bara) na Dkt. Mohamed Said Dimwa (Zanzibar), pamoja na wajumbe wa Sekretarieti, alishuhudia kasi kubwa ya maandalizi hayo, huku akiwapongeza wahusika kwa jitihada zinazofanywa kuhakikisha kila kitu kinakuwa tayari kwa wakati. Kwa mujibu wa Katibu wa NEC - Itikadi, Uenezi na Mafunzo, CPA Amos Makalla, ma...
Read more