MIKANDA NANE YA KIMATAIFA KUWANIWA JULAI 26, KNOCKOUT YA MAMA

 




Na Mwandishi wetu, Dar 

Pambano kubwa la Knockout ya mama msimu wa tano inatarajia kuwakutanisha mabondia wenye viwango vikubwa nchini Tanzania, Julai 26, 2025 katika  Viwanja vya Posta Kijitonyama jijini Dar es Salaam.

Pambano hilo kubwa litaweka historia kwa kuwa na mapambano nane ya kuwania mikanda mikubwa ya kimataifa ikiwemo ya WBO na WBC.

Akizungumza na waandishi wa habari  Julai 24, 2025 jijini Dar es Salaam Mkurugenzi wa Matangazo na Uzalishaji kutoka Kampuni ya Mafia Promotion Omari Clayton, amesema pambano hilo litakuwa na jumla ya mapambano 10 yakihusisha mabondia wa kimataifa.

"Mapambano nane yatakuwa ya mikanda na lengo ni kufanya "boxing" ya Tanzania iende mbali kimataifa, bondia atakayeshinda atapata fedha, mkanda na nyota, hivyo kutambulika kimataifa," amesema Clayton.

Ameongeza siku hiyo ya pambano itakuwa ni siku ya mtoko kwamba wanataka kila Mtanzania aweze kuifanya Julai 26, 2025 kuwa siku ya Mtoko kwa kwenda kushuhudia pambano hilo.

Naye, Mkurugenzi wa Mafia Boxing Promotion Ally Zayumba akieleza maandalizi ya mwisho kuelekea usiku wa Knockout ya Mama Season 5, ameeleza kuwa kila kitu kipo tayari, na mashabiki wajiandae kushuhudia burudani ya kipekee isiyopimika.

Kwa upande wake, Promota Jay Msangi amewasifia  na kuipongeza Mafia boxing promotion kwa kuandaa pambano kubwa linalojulikana kama "Knock Out ya mama." 

Ameongeza kwa kusema kuwa uwekezaji waliouweka Mafia boxing promotion ni takribani bilioni mbili na ni uwekezaji mkubwa sana, kwamba  mapambano yanayokuja makubwa ya ubingwa ni WBC, WBO, na UBO yote yatafanyika nchini.

Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more