LUCY AWATAKA WANANCHI KUIUNGA MKONO CCM



 Na Mwandishi Wetu 

MGOMBEA wa udiwani wa Kata ya Kisukuru kupitia Chama cha Mapinduzi (CCM),  Lucy Lugome, ameahidi kuendesha kampeni za kistaarabu, zenye amani na busara, huku akiwataka wakazi wa Kisukuru kujitokeza kwa wingi kuiunga mkono CCM katika uchaguzi Mkuu unaotarajia kufanyika Octoba 29 mwaka.huu.

Lugome ambaye anagombea kwa kipindi cha pili katika kata hiyo  ameyabainisha hayo leo Agosti 15, 2025 Jijini Dar es salaam mara baada ya kupokea rasmi barua ya uteuzi  kwa ajili ya kupeperusha bendera katika Uchaguzi Mkuu .

“Nitaendesha uchaguzi wa amani, hekima na busara kwa lengo la kupata kura za kishindo kwa Rais wetu wa Tanzania, wabunge na madiwani,” amesema Lugome 

Ameongeza kuwa, Kata ya Kisukuru iko katika mikono salama chini ya uongozi wake na kuanzia sasa, wananchi wote wamekubaliana kwa pamoja kuacha makundi ya kiushindani na kuungana katika jitihada za kuhakikisha ushindi wa CCM.

“Kuanzia leo na kuendelea, sisi watu wa Kisukuru hatuna makundi. Tupo tayari kukitafutia kura Chama cha Mapinduzi kwa kishindo,” amesisitiza  Lugome.

Comments

Post a Comment

Popular posts from this blog

MALYA ACHUKUA FOMU YA UDIWANI VITI MAALUM

Image
Katibu wa Shina na mwanachama wa Jumuiya ya Wanawake wa CCM,( UWT) Kigezi chini Kata ya Buyuni, Happyness Malya amechukua fomu ya kuomba ridhaa ya kugombea Udiwani wa Viti Maalumu  Halmashauri ya Jiji la Dar es Salaam. Amekabidhiwa fomu hiyo leo June 30,2025 na Katibu Umoja wa Wanawake wa CCM (UWT) Wilaya ya Ilala Rosemary Mwakisalu Ofisini kwake Ilala
Read more

MAKAMO WA RAIS SMAUJATA ATIA NIA UBUNGE KIVULE

Image
Makamu wa RAIS wa Seneti ya Jumuiya (SMAUJATA) shujaa wa maendeleo wa ustawi wa Jamii Fredrick Nelson Rwegasira amechukua fomu ya kutia nia ya kugombea Ubunge Jimbo la Kivule.  Rwegasira amechukua fomu hiyo leo Julai 1,2025 katika Ofisi za Katibu wa CCM Ilala Chief Sylvester Yaredi.  Aidha amesema kwamba amejipima na kujitambua kua anafaa kugombea nafasi hiyo kwa ajili ya kuwaletea maendeleo wananchi wa Kivule.
Read more

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad...
Read more