PPRA YAELEZA MAFANIKIO YAKE KUPITIA MFUMO WA NEST



Na Mwandishi wetu 

Mamlaka ya Udhibiti wa Ununuzi wa Umma (PPRA), imesema katika mwaka wa fedha 2023/2024 iliweza kuokoa zaidi ya shilingi Bilioni 14.94 kupitia ukaguzi, na shilingi Trilioni 2.7 kupitia ufuatiliaji kwa njia ya mfumo mpya wa kielektroniki wa ununuzi wa umma (NeST), ambao umeongeza uwazi, uwajibikaji na kupunguza mianya ya rushwa.

Aidha, mafanikio mengine yatokanayo na ujenzi wa mfumo wa NeST kuwa ni pamoja na kusajiliwa kwa wazabuni 28,590 katika mfumo huo, kutolewa kwa mikataba ya zabuni 62,267 yenye thamani ya zaidi ya shilingi trilioni 10.2, kuwekwa kwa bajeti ya ununuzi ya zaidi ya shilingi trilioni 38.6 kwenye mfumo huo kama fursa ya wazi kwa ajili ya wazambuni pamoja na kusajiliwa kwa zaidi ya taasisi 21, 851 kwenye mfumo huo.



Hayo yameelzewa jijini Dar es Salaam  na Mkurugenzi wa Mamlaka hiyo Dennis Simba akizungumza na Wahariri wa vyombo mbalimbali vya habari nchini ambapo amesema mfumo huo pia umeongeza usalama na upatikanaji wa taarifa, pamoja na kuweka mazingira mazuri na wezeshi katika mnyororo wa ununuzi wa umma.

"Wote tunaona, katika kipindi kifupi kasi kubwa ya serikali yetu ya kujenga miradi ya maendeleo, tunaweza kuwa ni Taifa linaloongoza kwa Afrika Mashariki katika ujenzi wa miradi, hii ni kwa sababu ya umakini wa serikali yetu, miradi inatekelezeka, tuna reli ya SGR, shirika letu la ndege, miradi ya miundombinu na teknolojia, yote hayo tunayaendesha kwa umakini kupitia ukaguzi ambapo PPRA tumefanikiwa kuokoa zaidi ya Bilioni 14.94 kupitia ukaguzi, na shilingi Trilioni 2.7 kupitia ufuatiliaji kwa njia ya mfumo mpya wa kielektroniki wa ununuzi wa umma (NeST)" amesema Simba.



Aidha amezungumzia pia mgawanyo wa zabuni kwa wazawa na wazabuni wa nje ambapo mpaka kufikia mwisho wa mwaka wa fedha 2023/24, watanzania wamepata asilimia 99.6 ya zabuni huku China ikishika nafasi ya pili ikifuatiwa na Kenya, Afrika Kusini pamoja na Umoja wa Falme za Kiarabu.

Mfumo huo mpya wa kielektroniki wa ununuzi wa umma (NeST), ulianza kutumika Julai 1, 2023 ambapo umekuwa na mafanikio makubwa yakiwepo ya kudhibiti matumizi mabaya ya ofisi, kudhibiti upotevu wa fedha za umma pamoja na kukabiliana na vitembo vya rushwa katika maeneo mbalimbali.



Nae Mwenyekiti wa Jukwaa la Wahariri (TEF) Deodatus Balile ametoa wito kwa wamiliki wa vyombo vya habari kufungua akaunti ya mfumo wa NeST ili kuweza kupata matangazo.

"Tuwapongeze kwa kurahisisha mfumo wa ununuzi katika nchi yetu, ndugu zangu wahariri, hata matangazo ya kwenye vyombo vya habari mengi yanapitia NeST, kwa hiyo sisi tunaoendesha vyombo vya habari kama huna akaunti ya NeST huwezi kufanikisha matangazo, hali ngumu ya vyombo vya habari tuliyonayo tuna nafasi ya kujikomboa kupitia kwenye mfumo huu"amesesema  Balile.


Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more