ASKARI POLISI WALIPJIUNGA NA JESHI LA POLIS WATOA .SAADA

Na Mwandishi wetu HPMedia, Dar es Salaam 

Baadhi ya Askari Polisi aliojiunga na Jeshi la Polisi na kuhudhuria mafunzo ya awali mwaka 2000/2001 leo wametembelea Taasisi ya Saratani Ocean road na kutoa misaada kama sadaka kwa wagonjwa wanaougua maradhi ya saratani ikiwa ni namna ya kumshukuru Mungu kwa afya na uzima katika kipindi chote  cha kazi tangu walipojiunga na Jeshi la Polisi.

Akizungumza na waandishi wa habari kwa niaba ya maofisa, wakaguzi na askari Polisi walipotembelea hospitalini hapo Mkurugenzi wa Upelelezi wa Makosa ya jinai (DCI), Kamishna wa Polisi, Ramadhani Kingai amesema kwamba misaada hiyo imetokana na michango ya askari hao ambao walichanga na kununua zawadi kwa watu wenye uhitaji kama wagonjwa.

Aidha, Kamishna Kingai amesema sadaka ni jambo ambalo linatimiza maelezekezo ya Mungu kutoka katika vitabu vitakatifu kwa kuwahurumia watu wenye uhitaji hivyo wanachi watambue kwamba Askari Polisi ni miongoni mwa wanajamii ambao wanajali na kuwathamini hivyo wanawaombea wapone ili waweze kuendelea na shughuli zao za kimaendeleo. 

Akiongea kwa niaba Mkurugenzi Mtendaji wa Taasisi Saratani Ocean Road, Mkurugenzi wa Huduma za Tiba Taasisi ya Saratani Ocean Road Dkt. Mark Athumani Mseti  ameshukuru kwa misaada iliyotolewa na kwa uamuzi mzuri wa Askari hao kutembelea hospitalini hapo na kwamba hilo limeonesha kwamba Jeshi la Polisi halipo kwaajili ya kulinda raia na mali zao tuu bali hata kujali afya za raia wa Tanzania, na kuwaomba wananchi wanapotakiwa kutoa taarifa za wahalifu watoe taarifa ili Jeshi la Polisi lizidi kufanya kazi kwa ufansi zaidi.

Misaada hiyo imehusisha baadhi  ya vifaa tiba, sabuni za kufulia na kuogea, nguo, vitenge, vyandarua, miswaki, dawa za meno, kandambili, Pampas, mafuta ya kupaka na maji ya kunywa.

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more