UVCCM TAIFA - "HAWANA HOFU MASHIRIKIANO YA KUIMARISHA UCHUMI WA BANDARI"

 


Na Magrethy Katengu, HPMedia, Dar 

Umoja wa  Vijana Chama Cha Mapinduzi(UVCCM) umesema Serikali inachofanya sasa ni mashirikiano ya Uwekezaji Bandarini ili kwenda kusaidia kuimarisha miundombinu ya bandari na shughuli nyingine za lojistiki na Uchukuzi ili Taifa liwe kitovu cha uchumi Imara.

Akizungumza na Waandishi wa habari leo Jijini Dar es salaam, Mwenyekiti wa Uvccm Taifa Mohamed Kawaida, amesema kinachofanyika siyo maamuzi ya mtu binafsi bali ni maelekezo ya Chama kupitia ilani yake ya uchaguzi ya mwaka 2020/2025 kupitia ibara 22(1)

Aidha amesema kuwa, kupitia uwekezaji ambao utafanyika utasaidia kuondoa urasimu na dosari zinazosababisha ucheweshwaji wa utoaji mizigo Bandarini.

Hata hivyo, amesema licha ya kusambaa mizozo mitandaoni kuhusu bandari, katiba ya Jamhuri ya Muungano Tanzania ya mwaka 1977 ibara ya 18 (a) inaeleza"kila mtu anao Uhuru wa kuwa na maoni ya kueleza fikra zake "hivyo wanaheshimu maoni ambayo yanatolewa na yanayoendelea kutolewa na wadau mbalimbali kuhusu azimio hilo ambalo linaridhiwa na Bunge kwa mujibu ya Ibara 63-3(e) ya katiba ya Jamuhuri ya Muungano wa Tanzania inavyotaka Mkataba unaoingiwa na Serikali upitiwe Bungeni kabla ya kutekeleza .

"Serikali ya Tanzania imeingia Mkataba wa mashirikiano na serikali ya Dubai kwa kuanzisha Ushirikiano wa kuboresha ,kuendesha na kuendeleza maeneo ya bandari nchini suala ambalo limekuwa changamoto kubwa kwa serikali kufikia malengo ya kiuchumi na kijamii na majadiliano haya na maandalizi yanafanywa na Timu ya wataalamu wa Tanzania ambao Wana uzoefu mkubwa katika Masuala ya mikataba ya kinataifa na kabla ya kusainiwa ulizingatia taratibu zote za nchi yetu " amesema Kawaida

Hata hivyo, amebainisha kuwa Ushirikiano pamoja na mambo mengine unajikita kwenye maboresho uendeshaji wa shughuli za bandari nchini kwa kuongeza tija na ufanisi kusimika mfumo ya kisasa ya TEHAMA na kuwajengea uwezo kupitia mafunzo Watanzania katika uendeshaji wa shughuli za bandari kuhusu changamoto za bandari mifumo ya TEHAMA ya bandari kisasa na inayosoma na mifumo mingine ikiwemo Mamlaka ya Mapato TRA hali inayosababisha kutokuwa na udhibiti wa kutosha katika kukusanya mapata ya nchi.

Aidha amesema kuwa jitihada zote na hatua ambazo zinachukuliwa na Serikali ya Awamu ya sita katika kuvutia uwekezaji nchini hususani kwenye maeneo ya bandari nchini  zinalenga kumalizia changamoto za muda mrefu ikiwemo ucheleweshwaji wa meli mizigo na kukosekana kwa ufanisi katika bandari zetu ambako kumekuwa kukichangia katika sekta zingine .

Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more