DUMU 364 ZAKAMATWA KUNDUCHI, MITUMBWI MIWILI FERI


Jeshi la Polisi Kikosi cha Wanamaji kinaendelea na Operesheni maalum iliyoanza Julai 19, 2023 na inayoendelea katika kudhibiti uhalifu ukanda wa Bahari ya Hindi.

Aidha katika Operesheni hiyo Kikosi kazi cha Operesheni cha Polisi Wanamaji Dar es Salaam wakitumia boti ya Polisi walikamata mitumbwi miwili isiyokuwa na jina wala usajili huko maeneo ya feri Wilaya ya Ilala, na Tafico Wilaya ya Kigamboni Jijini Dar es Salaam, iliyokuwa inatumika kuvua samaki kwa kutumia nyavu haramu aina ya kokoro.

Katika hatua nyingine, operesheni hiyo Julai 25, 2023 majira ya saa nane usiku huko maeneo ya Kunduchi katika bahari ya hindi askari Polisi kwa kushirikiana na maofisa wa Mamlaka ya Mapato.

Nchini (TRA) wakiwa doria walifanikiwa kuwakamata Abdalla Jecha @ omary (37) na Khatibu Kombo (23) wakiwa na Jahazi liitwalo SAFINIA lisilokuwa na namba za usajili likiwa limebeba mafuta ya kupikia aina ya ACTER dumu 364 na kila moja likiwa na lita 20 yakitokea Unguja kwenda Dar es Salaam kwa kupitia bandari bubu ya kunduchi wakiwa na nia ya kukwepa ushuru wa forodha. 

Uchunguzi wa awali wa Jeshi la Polisi umebaini watuhumiwa hao hawakuwa na nyaraka zinazothibitisha uhalali wa umiliki wa mizigo hiyo ya mafuta ya kupikia pamoja na nyaraka za usafirishaji. Jeshi la Polisi linawahoji watuhumiwa hao kwa kina na baadae taratibu nyingine za sheria ziweze kuchukuliwa.

Jeshi la Polisi linaendelea kushirikiana na Mamlaka ya Mapato Tanzania (TRA) na Idara nyingine za serikali kuhakiki mzigo huo, pia linawapongeza wananchi wote ambao wanachukia uhalifu wa aina zote na ambao wanatoa taarifa zinazo pelekea kubaini na kuzui uhalifu.

Hata hivyo Jeshi la Polisi linatoa onyo kwa wafanyabiashara wasio na uadilifu kuacha kusafirishaji mizigo kwa njia ya bahari bila kuwa na nyaraka za mizigo hiyo, Jeshi la polisi Kikosi cha Wanamaji halitasita kuwakamata na kufikisha kwenye vyombo vya sheria na hatua zaidi kuchukuliwa dhidi yao

Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more