KAMPUNI TANO ZA WAZAWA ZASHINDA ZABUNI UCHIMBAJI WA MAKAA YA MAWE

Na Fatma Ally,HPMedi, Dar

Katika kuhakikisha Serikali inatoa kipaumbele kwa wawekezaji wazawa imetiliana saini na kampuni tano za kitanzania ambazo zimeshinda zabuni ya uchimbaji wa makaa ya mawe eneo la Mchuchuma Wilaya ya Ludewa Mkoani Njombe.

Akizungumza na waandishi wa habari jijini Dar es Salaam, Mchimbaji na Mwekezaji wa Madini kutoka kampuni ya Cleveland Minging and Cervice Compan, Ndaisaba George Luhoro amesema kwa sasa wanaenda kuandika historia na kuongeza ajira katika pato la taifa kwa makaa ya mawe waliyokuwa wanayasikia toka wazaliwe sasa wanaenda kuyachimba.

"Kampuni yangu pamoja na makampuni mengine tulikuwa kwenye ushindani mkubwa ila kwa bahati nzuri kampuni tano ikiwemo na ya kwangu tumefanikiwa kupata mkataba huu hivyo tunaenda kuandika historia yale makaa ya mawe toka tuzaliwe tulikuwa tunayasikia sasa tunaenda kuya chimba na kuongeza ajira Kwa watanzania na kuchangia uchumi Kwa nchi yetu"amesema Mwekezaji Luhoro.

Aidha, amesema kupitia uchimbaji huo wataongeza pato la nchi kwa kulipa kodi na tozo mbalimbali hivyo anamshukuru Rais wa Jamhuri ya Muungano wa Tanzania Dkt.Samia Suluhu Hassan kwa kuendelea kuwaonyesha watanzania mapenzi ya dhati.

Ameongeza kuwa, kutokana na uhitaji wa makaa hayo ndani na nje ya nchi watahakikisha wanazalisha kwa kiwango kikubwa zaidi ili kuhakikisha wanafikia malengo ndani ya muda ambao umepangwa.

"Rais Dkt Samia Suluhu Hassan  amesema makaa ya mawe haya yakachimbwe na watanzania na sisi ni mashuhuda wa mapenzi yake ya dhati sasa tunaenda kuyachimba haya makaa ya mawe na kunufaisha taifa letu"ameongeza Mwekezaji Luhoro.

Hata hivyo, amesema wamepewa mda wa miezi sita kuhakikisha kuwa wanakamilisha taratibu zote na kuanzia uchimbaji wa makaa ya mawe na kuanzia kuzalisha angalau kwa mwezi mmoja wazalishe tani laki moja na nusu kwani kwa sasa yanahitajika sana Dunia hasa kipindi hiki ambacho Dunia inapambana kupata nishati.

Aidha amesema matarajio yao ni kukuza kampuni zao na kutoa ajira na kuchangia kwenye pato la taifa na kampuni zao kuzidi kukuza na kuchangamkia fursa za uchimbaji wa madini mengine hata nje ya nchi kwani mkataba huo unaenda kuwa mtaji mkubwa kwenye kampuni zao na kukuza ujuzi kwenye uchimbaji.

Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more