PURA NA ZPRA WAJADILI NAMNA YA KUENDESHA SEKTA YA MAFUTA NA GESI ASILIA

 

Na fatma Ally, Matukio DaimaApp, Dar 

Mamlaka ya udhibiti mkondo wa juu wa Mafuta na gesi asilia PURA  na Mamlaka ya udhibiti wa utafutaji na uchimbaji wa mafuta na Gesi asilia Zanzibar (ZPRA) leo wamekutana jijini Dar es Salaam kwa lengo la  kuzishauri Serikali ya Jamuhuri ya Muungano wa Tanzania na Serikali ya Mapinduzi ya Zanziba jinsi gani ya kuendesha sekta za gesi na mafuta hapa nchini.

Akizungumza jijini Dar es Salaam na waandishi wa habari Mwenyekiti wa Bodi ya PURA, Khalfan Khalfan amesema kuwa baada ya kumaliza kikao hicho ni mashirikiano makubwa kati ya ZPRA na PURA.

Aidha, amesema kikao hicho kinategemea kutengeneza  fursa ya kunadi maeneo wazi (Vitalu) ambayo ni moja ya sera ya Serikali ya kutangaza uwekezaji.

Amesema kuwa, baada ya kikao hicho watakua na msimamo wa pamoja ni kwa jisni gani sekta ya mafuta itapata wawekezaji katika pande zote bara na visiwani.

Kwa upande wake, Mkurugenzi Mkuu wa Udhibiti mkondo wa juu wa Petrol (PURA) Mhandisi Charles Sangweni amesema kuwa leo wamekutana wakurugenzi wa bodi mbili kati ya Pura Zpra ambapo wamekuwa na mahusiano hayo kwa muda mrefu ambapo wameamua kuingia kwenye makubaliano kati yao Feb 19 mwaka 2022 hivyo waliunda timu ya pamoja.

Aidha, amesema kuwa, wao kama watendaji wamekuwa na mahusiano ya muda mrefu ya pande zote mbili ambapo kikao hicho kinalenga kubadilishana uzoefu wa kiutendaji sambamba na kuelekezana kwa yale ambayo upande mmoja hayajui katika utafitaji wa mafuta na gesi asilia.

Hata hivyo, amesema kikao ahiko pia kinalenga kutoa taarifa ambazo zimekuwa zikichukuliwa katika ardhi ya Tanzania, hivyo wameona ni vyema kushirikisha watendaji wa bodi kwani bodi ndio inayokuwa ikiwapa maelekezo ya kiutendaji na kuyatekeleza kiutendaji.

"Moja ya mambo ambayo tunakwenda kutekeleza pande zote mbili ni vitalu, baadae izae mikataba ya utafutaji wa mafuta na gesi, hivyo tumegundua wenzetu wa ZPRA na sisi tunaenda pamoja ndio maana tukaona tushirikiane ili kuleta hamasa na gharama za kutekeleza jambo hili na hii nchi ni moja na faida itakayopatikana ni kwa pande zote mbili"amesema Mhandisi Sangweni.

Naye, Mkurugenzi Mwendeshaji ZPRA,  Adam Abdulla Makame amesema kuwa Taasisi hiyo imekua na majukumu sawa na PURA  ambapo kazi kubwa ni kusimamia sekta ya mafuta na gesi katika mkondo wa juu ili kuhakikisha Tanzania  inanufaika na sekta ya nishati na gesi asilia.

"leo tumekutana hapa ikiwa ni kikao chetu cha kwanza cha bodi zetu mbili ikiwa ni ZPRA na PURA ili kuweza kujadiliana kwa pamoja ni jansi gani tutaweza kufanya kazi kwa pamoja kufungua maeneo yetu na kufanya kazi kwa pamoja katika utafutaji wa mafuta na gesi asilia"amesema  Makame.

Aidha, amesema kuwa katika historia inaonesha kuwa suala la kunadi vitalu ama kuvutia wawekezaji lilifanywa kwa miaka 10 iliyopita ambapo tangu mwaka 2013 hawakuendelea tena na zoezi hilo, hivyo kupitia kikao hicho watapata makubaliano ya pamoja kwa Tanzania bara na Visiwani na kuwa na mkakati wa pamoja ambapo ni kwa namna gani wataweza kuvitangaza vitalu hivyo.

Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more