BABU OWINO ATOA RAI KWA VIJANA WA ACT WAZALENDO, NONDO NAE YUPO


Na Mwandishi wetu, Habari Plus Dar

MBUNGE wa Jimbo la Embakasi Mashariki Nairobi, Kenya Poul Owino amewataka vijana nchini Tanzania kupigania kupata haki zao katika kulitetea taifa lao pamoja na kuwa viongozi bora kwa maslah mapana ya Taifa.

Rai hiyo ameitoa jijini Dar es Salaam mapema leo wakati alipokua akifungua kongamano la Ngome ya Vijana lililokwenda sambamba na uchaguzi wa viongozi mbalimbali ikiwemo nafasi ya Mwenyekiti, Makamo Mwenyekiti, Katibu, pamoja nafasi nyengine mbalimbali.

Amesema kuwa, Chama cha ACT Wazalendo ni cha kuigwa kutokana na kuwa chama bora chenye mfumo imara wa kupigania haki na kuwalea vijana ambao wana uwezo wa kukipigania kwa  maslahi ya Taifa kwa ujumla.

"Vijana ni Taifa la leo sio la kesho, mapambano yanatakiwa kuanza leo,  hivyo usikuabali kukaa kimya kwani usipokubali kuwa kwenye meza ukala utakua menu uliwe, vunja hiyo meza usipokua sehemu yao, Hayyat Mwalim Julias Nyerere, Kawawa na Kwame Nkuruma wangekua waoga unadhani uhuru ungepatikana? "amehoji Dkt Babu Owino.

Akitoa nasaha za Chama cha ACT Wazalendo, Katibu Mkuu Ado Shaibu amewataka wajumbe wa mkutano huo kuchagua viongozi ambao wataweza kuwaongoza wananchi, kukitetea na kukijenga Chama hicho kwani hilo ndio lengo la chama namba moja katika kuanzisha taasisi ndani ya chama.

Aidha, amesema kuwa, Chama hicho kinawategemea sana vijana kwani wamekua wakiwalea kwenye misingi iliyoimara ya uongozi na kimewaamini ndio maana hawategemei wanachama ambao wanatoka kwenye vyama vyengine kwenda kujinga kwao bali wanachagua viongozi waliowalea wenyewe.

"Kwa miaka minne mfululizo Chama chetu kimeachana na tabia ya kusubiri wanachama waliohama vyama vyao ili kuja kuwapa uongozi bali tunachagua viongozi ndani ya chama kwani wamewalea vizuri, na tunawaamini katika kusimamia katiba hivyo lazima mchague watu ambao wataweza kuwasimia vizuri katika kutatua changamoto za wananchi" amesema  KM Ado.

Kwa upande wake, Mwenyekiti wa Ngome ya Vijana Taifa, Abdul Nondo amewataka vijana kuwa tayari katika kukipigania chama na kutokuwa waoga, kwani Hayyat Mwalim Nyerere angekua muoga taifa la Tanzania lisingepata uhuru ili kuwa viongozi bora ni lazima ujitoe kwa taifa lako na kuwatumikia wananchi waliokuamini na kukuchagua.

Aidha, amesema kuwa, asilimia 75 ya watanzania ni vijana hivyo wanatakiwa kusimama imara kushiriki nafadi mbalimbali za uongozi si tu kujenga Chama bali hata kupigania maslahi ya wananchi kwani changamoto nyingi zinapotokea zinawakumba vijana.

Miongoni mwa wageni walioalikwa katika mkutano huo ni pamoja Katibu wa Cha Juvicuf ambapo amesema vijana wanahitaji kuwa na sauti ya pamoja ili kuhakikisha wananchi wanatetewa kwenye changamoto zao.







Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more