NAIBU WAZIRI MKUU DKT BITEKO KUFUNGUA KONGAMANO LA KIMATAIFA LA UCHUMI WA BLUU


Na Mwandishi wetu, HabariPlus

Chuo cha Bahari Dar es Salaam (DMI)  kwa kushirikiana na Chuo Cha Bahari cha Ghana wameandaa kongamano la 3 la kimataifa la uchumi wa bluu ambalo pamoja na mambo mengine wanakwenda kujadili maendeleo ya teknolojia ili kuhakikisha uchumi wa bluu unakua endelevu.

Aidha, Naibu Waziri Mkuu wa Jamuhuri ya Muungano wa Tanzania Dkt Dotto Mashaka Biteko anatarajiwa kufungua kongamano hilo la siku mbili  ambalo litahudhuriwa na wadau mbalimbali wa mnyororo wa thamani wa uchumi wa bluu.

Akizungumza na waandishi wa habari jijini Dar es Salaam Mkuu wa Chuo cha DMI, Dkt Tumain Gurumo amesema kuwa lengo la kongamano hilo ni kuiangalia kesho ya uchumi wa bluu inayojumuisha ulinzi, usalama na mabadiliko ya tabia ya nchi pamoja na maendeleo ya teknolojia kwa ukuaji wa uchumi wa bluu .

Amesema kuwa, katika kongamano hilo litahudhuriwa na wadau mbalimbali wakiwemo taasisi za umma, binafsi, Serikali, wanasiasa , wataalamu wa bahari, utalii, bandari, mafuta na gesi pamoja na uvuvi.

"Lengo la kuwaalika wadau wote hawa ni kutaka ushiriki wa kila mdau katika mnyororo wa thamani wa uchumi wa bluu, mfano samaki anapovuliwa baharini kunakuwa na wadau wengi wanahusika hadi anapokufikia wewe mlaji, hivyo hawa wote wanatakiwa wapate mafunzo na elimu"amesema Dkt Gurumo.

Aidha, amesema kuna fursa nyingi kwenye uchumi wa bluu hivyo ni vyema kuzingalia kwa pamoja kwa kuwashirikisha vijana kwani wasipozifahamu hawawezi kuzindea wala kutoa msaada wowote wa ukuaji kwenye uchumi wa bluu .

Hata hivyo, amesema tafiti mbalimbali zimefanywa na wadau hivyo, kupitia kongamano hilo zitajadiliwa na wadau hao kutoka na   mapendekezo ambayo yatasaidia nchi ya Tanzania katika kukuza uchumi wa bluu.

Ameongeza kuwa, pia kongamano hilo linatarajia kujumuisha nchi 11 ikiwemo Kenya, Comoro, Liberia, Ghana Nigeria, Sieraleone, Denmark, Italy, Sweeden, Korea Kusini na China ambapo lengo ni kutoa elimu na mafunzo pamoja na kuangalia vyanzo vya maji na faida zake katika kukuza kipato.

Aidha, Kongamano la kwanza lilifanyika mwaka 2022, la pili lilifanyika mwaka 2023 na la tatu linatarajiwa kufanyika Julai 4  hadi 5 mwaka huu katika ukumbi wa kimataifa wa Julius Nyerere ( JINCC) ambapo mambo mbalimbali yatajadiliwa na wadau hao ikiwemo kujifunza namna ya kukuza uchumi wa bluu kwenye nchi zao.

Comments

Post a Comment

Popular posts from this blog

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU HAPA MWENENDO WA KIMBUNGA "HIDAYA" , UPEPO KUVUMA KWA KASI YA KILOMITA 130 KWA SAA

Image
  Dar es Salaam, Mamlaka ya Hali ya Hewa Tanzania (TMA) inaendelea kutoa taarifa ya mwenendo wa kimbunga “HIDAYA” kilichopo katika Bahari ya Hindi mashariki mwa pwani ya nchi yetu. Kimbunga “HIDAYA” kimeendelea kuimarika na kusogea kuelekea maeneo ya pwani ya nchi yetu ambapo hadi kufika saa tisa usiku wa tarehe 03 Mei 2024 kilikuwa kimeimarika zaidi na kufikia hadhi ya Kimbunga kamili kikiwa umbali wa takriban Kilomita 401 Mashariki mwa pwani ya Mtwara.  Katika kipindi hiki kimbunga HIDAYA kimeendelea kuimarika zaidi huku kasi ya upepo ikiongezeka hadi kufikia Kilomita 130 kwa saa.  Mwenendo wa mifumo ya hali ya hewa baharini bado inaonesha uwezekano mkubwa wa Kimbunga “HIDAYA” kusalia katika hadhi ya Kimbunga kamili kwa saa 12 zijazo huku kikiimarika, na kendelea kusogea karibu kabisa na pwani ya Tanzania. Kimbunga hiki kinatarajiwa kuendelea kuwepo hadi tarehe 06 mwezi Mei 2024 na kupungua nguvu baada ya tarehe 6 Mei 2024. Uwepo wa kimbunga “HIDAYA” karibu na pwani ya nchi yetu unat
Read more

NHIF YAFANYA MABORESHO YA KITITA CHA HUDUMA ZA MATIBABU, YAENDELEA KUPOKEA MAONI

Image
Na Mwandishi wetu, Habari Plus, Dar Mfuko wa Bima wa Taifa wa NHIF imefanya maboresho ya kitita cha mafao kwa wanachama wake ambayo utekelezaji wake utaanza rasmi Machi Mosi mwaka 2024 ikwa lengo ni upatikanaji wa huduma bora wa wanachama pamoja na kuongeza huduma ambazo hazikuepo hapo awali. Akizungumza na waandishi wa Habari Jijini Dar es Salaam Mkurugenzi Mkuu wa NHIF, Dkt Bernad Konga amesema maboresho ya mwisho ya kiticha cha mafao ya mfuko huo kichotumika sasa yalifanyika June 2016 sawa na takribani miaka 8 iliyopita na hivyo upo umuhimu wa kufanya marejeo yake kutokana na sababu mbalimbali. Aidha, amesema kuwa,  maboresho hayo ya orodha ya huduma za matibabu ambazo zinatolewa kwa wanufaika wa NHIF na bei zake ambazo hutumika wakati wa malipo kwa madai ya watoa huduma za matibabu yamezingatia maendeleo ya teknolojia na hali halisi ya bei katika soko pia kuwianisha kitita cha mafao na miongozo ya tiba iliyoboreshwa Ili kuongeza ubora wa huduma zinazotolewa Kwa wanufaika wa mfuko.
Read more