SERIKALI KUWACHUKULIA HATUA WANAOTENDA UHALIFU, WAMO WANAOSAMBAZA JUMBE ZA UONGO WATOTO KUTEKWA

Na Mwandishi wetu, HabariPlus

Serikali kupitia Wizara ya Mambo ya Ndani imesema Serikali haikubaliani na vitendo vyote vya kihalifu wanavyofanyiwa baadhi ya watoto, huku akiahidi hatua kali zitachukuliwa kwa yoyote atakaebainika kutenda vitendo hivyo.

Aidha, Serikali haitowafumbia macho baadhi ya watu wanaotumia fursa hiyo kusambaza jumbe za uongo kwenye mitandao ya kijamii na vyombo vya habari mbaimbali na kuleta taharuki ndani ya jamii.

Kauli hiyo imetolewa jinini Dar es Salaam na Waziri wa Mambo ya Ndani Mhandisi Hamadi Masauni wakati alipokua akizungumza na waandishi wa habari alipokua akitoa taarifa ya matukio ya vitendo vya ukatili na utekaji wa watoto kwani sio tu vitendo viovu bali vinaenda kinyume na utamaduni wa Taifa lenye utu, ustaarabu, amani na utulivu.

Amesema kuwa, Serikali imechukua hatua stahiki kwa wale wote waliobainika na itaendelea kuwachukulia hatua wale watakaobainika kuhusika na matukio hayo ya kihalifu, hivyo wanaungana na Rais Dkt Samia, wazazi na walezi kukemea vikali matukio hayo.

"Hatua kali zitachukiliwa kwa wale wote watakaobainika kuhusika na matukio haya ya  kihalifu na tunaungana na Mheshimiwa Rais Dkt. Samia na watanzania wote wakiwemo wazazi na walezi kukemia vikali matukio haya ya kihalifu kwa watoto" amesema Mhandisi Masauni.

Aidha ametoa rai kwa wananchi kushirikiana na Serikali hususani Jeshi la Polisi kutoa taarifa zitakazowezesha kupatikana kwa washukiwa wote wa vitendo vya kihalifu kwani wanaofanya matukio hayo wapo ndani ya jamii.

Sambamba na hayo amesema baadhi ya watu wamekuwa wakitumia vibaya vyombo vya habari kuleta taaharuki kwa kutoa taarifa za uongo na ambazo zimeshatokea jambo ambalo sio sahihi.

Ameongeza kuwa, wataendelea kuaimarisha dori za mara kwa mara na kutoa kipaumbele kwa taarifa wezeshi toka kwa wananchi wema ikiwa ni pamoja na kuongeza kasi ya ufuatiliaji wa haraka pale matukio hayo yanaporipotiwa kwa Jeshi la Polisi.

Hata hivyo amesema Wizara ya Mambo ya Ndani ya Nchi kupitia Jeshi la Polisi na kwa kushirikiana na Wizara nyingine na Vyombo vya Dola imeweka mkakati madhubuti wa kuhusisha mambo mbalimbali ikiwemo kuongeza elimu kwa umma kuhusu utoaji wa malezi bora na ulinzi kwa watoto.

"Kwenye hili tutaongea nguvu zaidi kwa Polisi Kata nchi nzima na pia kushirikiana kwa karibu na Wizara ya Tawala Mikoa na Serikali za Mitaa na Wizara ya Maendeleo ya Jamii, Jinsi, Wanawake na Makundi Maalumu na Wizara ya Katiba na Sheria kufikia na kutoa Elimu kwa wananchi kwa urahisi"amesisitiza Mhandisi Masauni.

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more