SERIKALI YAAHIDI KUWEKA MAZINGIRA MAZURI KWA WABUNIFU WA MAJENGO



Na Mwandishi wetu 

Serikali imesema ipo kwenye mchakato wa kufanyia maboresho sera ya ujenzi ili kutengeneza sheria ya ujenzi itakayosidia  wataalamu wa wabunifu majengo na wakadiriaji ujenzi AQRB kufikia matamanio ya kukuza sekta ya ujenzi kutokana na mabadiliko ya teknolojia yanayoenda kwa kasi duniani.

Hayo yameelezwa leo jijini Dar es Salaam, Mkuu wa Wilaya ya Ilala ,Edward Mpogolo wakati akimuwakilisha Naibu Waziri Mkuu na Waziri wa Nishati Dkt.Dotto Mashaka Biteko kwenye ufunguzi wa Mkutano wa  5 wa Bodi ya wabunifu wa Majengo na Wakadiriaji Majenzi ambapo unafanyika kwa siku mbili.



Amesema kuwa, mkutano huo uwapeleke kwenye tafakuri ya kuangalia changamoto walizopitia kwa kipindi cha miaka 5 na kuzifanyia kazi katika maboresho ili kuweza kupiga hatua zaidi kama Taifa na kwenda mbele kwenye ubunifu zaidi.

Ameongeza kuwa, licha ya changamoto kubwa wanazozipitia lakini pia wameweza kupata mafanikio makubwa ikiwemo kusajili wabunifu 1586 huku 33 ndio wakitoka nje.



Aidha, ametoa wito kwa Wabunifu wa Majengo na Wakadiriaji  Majenzi (AQRB)wametakiwa kuwa wazalendo ili kuhakikisha wanatekeleza kwa wakati miradi ya ujenzi wanayopatiwa na Serikali au sekta binafsi.

Hata hivyo, amesema kuwa baadhi ya wataalamu wa ubunifu wa majengo na ukadiriaji majenzi wamekua wakiangalia maisha yao binafsi kwa ajili ya kujipatia fedha kwa muda mfupi huku suala la weledi kazini likiwa limewekwa pembeni hali ambayo inasababisha majengo kuwa chini ya kiwango.



"Jitihada zinazopatikana katika sekta ya ujenzi inatokana na nyinyi wataalamu wa ubunifu wa Majengo na ukadiriaji Majenzi,ukiona mafanikio yaliyopo kwa sasa yanatokana na nyinyi,hivyo kwa niaba ya serikali  nawaomba sana muwe Wazalendo ili tumuunge mkono Rais wetu Dkt Samia Suluhu Hassan" amesema DC Mpogolo.

Kwa upande wake, Mtendaji Mkuu wa TBA Dkt Daudi Kondoro amewapongeza watoa mada ambao wamechaguliwa katika mkutano huo kutokana na uzoefu wao ambapo watawapatia madam zenye welezi wahitimu ambapo watapatiwa mafunzo hayo.



Aidha, amesema watendaji wa wizara wataendelea kusimamisha sekta ya wataalamu wa ubunifu wa Majengo na Wakadiriaji Majenzi ili waweze kua na weledi katika kazi zao.

"Wizara ya ujenzi itatenga fedha kwa ajili ya kuendelea kutoa mafunzo wataalamu 180 Kila Mwaka ambao wanahusika na bunifu wa Majengo na ukadiriaji Majenzi,ili waweze kuwa na uelewa Moana katika taaluma yao" amesema Dkt.Kondoro.

Naye, Mwenyekiti wa Bodi ya Wakurugenzi wa Bodi wa wabunifu wa Majengo na Wakadiriaji majenzi (AQRB) Dkt Ludigija Bulamile amesema kuwa miongoni mwa mada ambazo zitakazojadiliwa ni pamoja na mafunzo ya ubunifu wa kijani ambapo yamedhaminiwa na Wold benki (WB) .

Pamoja na muhtasari wa mpango mkakati wa wizara kuwawezesha wazawa ambapo makampuni ya ndani yachukue nafasi kubwa katika kusimamia miradi mikubwa inayotolewa na Serikali .

 "Utafiti wa vifaa vya ujenzi, mfumo wa ununuzi katika sekta ya ujenzi"

Mkutano huo wa tano wa Bodi ya wabunifu wa Majengo na Wakadiriaji Majenzi( AQRB) umeenda sambamba na mahafali ya kwanza ya wahitimu wa mafunzo ya taaluma ya wabunifu Majengo na wadiriaji Majenzi ,ambapo zaidi ya wahitimu 130 wamepewa vyeti pamoja na muongozo utakaowasaidia kufanyia kazi.

Comments

Post a Comment

Popular posts from this blog

NLD YAZINDUA KAMPENI "FYEKA CCM", YATOA WITO HUU KWA TAMISEMI

Image
Na Mwandishi wetu  Chama Cha National League For Democracy (NLD) leo kimezindua kampeni maalum yaKkukiondoa chama Cha Mapinduzi madarakani "fyeka CCM" ambapo imelenga kuzunguka mikoa 10 ya Tanzania ikiwemo Tanga, Lindi, Mtwara, Ruvuma, Singida, Dodoma na Mwanza. Akizungumza na waandishi wa habari na wanachama wa chama hicho, jijini Dar es Salaam kwenye makamo makuu ya chama hicho, Katibu Mkuu Doyo Hassan Doyo amesema kuwa, chama hicho kina sera nzuri ambazo zinawabeba wananchi hasa katika kuwakomboa na umaskini. Aidha, uzinduzi wa kampeni hiyo umeenda sambamba na kuwapokea wanachama wapya kutoka chama Cha ACT -Wazalendo na ADC ambapo amesema kuwa, kupitia kampeni hiyo watategeneza  wagombea ambao wataweza kushindana kwa hoja, huku akiwataka viongozi na wanachama kutumia lugha nzuri wanapokuwa majukwaani na kufanya siasa za kistarabu. "Siasa lazima zifanyike katika mazingira yanayoheshimika ..wanasiasa tuheshimiane .. wanasiasa tusifanye kiburi kwa viongozi ambao wako mad
Read more

TMA YATOA TAHADHARI KUHUSU UWEPO WA KIMBUNGA "HIDAYA"

Image
Na Mwandishi wetu Mamlaka ya Hali ya Hewa nchini (TMA) imesema hali ya Kimbunga iliyotabiriwa jana Mei Mosi 2024 inaendelea kuimarika na kwamba Kimbunga hicho sasa kinaikaribia Pwani ya Mkoa wa Mtwara. Taarifa ya mwelekeo wa Kimbunga hicho kinachoendelea kuimarika na kuwa cha kiwango cha kati kwa sasa kipo umbali wa Kilometa 506 Pwani ya nchi ya Tanzania. Kutokana na hilo TMA imetoa tahadhari kwa taasisi zinazojihusisha na masuala ya majanga kuendelea kufuatilia taarifa za Kimbunga hicho huku ikiwataka watu wanaofanya shughuli za usafirishaji baharini na wavuvi na wanaoishi maeneo ya Pwani ya bahari ya Hindi kuendelea kuchukua tahadhari wakati Kimbunga hicho kikitarajiwa kuingia usiku wa leo Mei 03.
Read more

HUU NDIO USHAURI WA TMA KWA SEKTA HIZI ...

Image
Mamlaka ya Hali ya Hewa Tanzania (TMA) imewataka watumiaji wa taarifa za hali ya hewa ikiwa ni pamoja na Wakulima, Wafugaji, Mamlaka za wanyamapori , Mamlaka za maji na Afya waendelee kutafuta, kupata na kuzingatia ushauri wa wataalamu katika sekta husika ili kujiepusha na athari za mvua zinaponyesha. Ushauri huo umetolewa leo Oktoba 31,2024 Jijini Dar es salaam na Kaimu Mkurugenzi Mkuu wa Mamlaka ya Hali ya Hewa Tanzania (TMA) ambaye pia  Makamu Mwenyekiti wa Jopo la Kimataifa la Sayansi ya Mabadiliko ya Hali ya Hewa na Tabianchi (IPCC), Dkt. Ladislaus Chang'a wakati akitoa taarifa ya mwelekeo wa mvua za Msimu wa Novemba, 2024 hadi Aprili 2025. Amesema kuwa, mvua za msimu ni mahususi katika maeneo ya Magharibi mwa nchi Kanda ya kati, Nyanda za juu kusini Magharibi kusini, ukanda wa  Pwani ya kusini pamoja na maeneo ya kusini mwa mkoa wa Morogoro ambapo maeneo hayo yanapata msimu mmoja kwa mwaka. Aidha, kutokana na mifumo ya hali ya hewa, mvua za wastani hadi chini wastani zinatara
Read more